विज्ञानको सागरमा क्वान्टम भौतिकी

प्रा.डा. शोभाकान्त लामिछाने 'सिलिकन नानो टेक्नोलोजी'मा जे.एन.यू. बाट विद्यावारिधी हासिल गर्नुभएका त्रि.वि., पि.एन. क्याम्पस, विज्ञान शिक्षा विभागको प्रमुख हुनुहुन्छ । नेपाल विज्ञान तथा प्रविधि प्रज्ञा प्रतिष्ठानका 'प्राज्ञ' डा. लामिछाने, शिक्षा विज्ञान तथा प्रविधि मन्त्रालय, बी.पी. प्लानेटोरि यमका पूर्व-कार्यकारी निर्देशक समेत हुनुहुन्छ । प्रशासनिक तथा प्राज्ञिक अनुभव हासिल गर्नुभएका लामिछानेले विभिन्न सङ्घ-संस्थामार्फत प्राज्ञिक-वैज्ञानिक परियोजनाहरू समेत सम्पन्न गरिसक्नुभएको छ । अतिसूक्ष्म विज्ञान र प्रविधिमा गहिरो रूचि राख्नुहुने लामिछाने अनुसन्धान तथा आविष्कार केन्द्र पि.एन. क्याम्पस लगायत अन्य सार्वजनिक संस्थाका अनुसन्धान समितिसँग पनि आबद्ध हुनुहुन्छ । विभिन्न राष्ट्रिय तथा अन्तर्राष्ट्रिय गोष्ठीहरूमा व्याख्यान समेत दिइसक्नुभएका लामिछानेका राष्ट्रिय तथा अन्तर्राष्ट्रिय जर्नलहरूमा दर्जनौं शोध निष्कर्षहरू प्रकाशित छन् । शिक्षा सन्देश, हिमालयन साइन्टिफिक, हिमालयन फिजिक्सजस्ता जर्नलको संस्थापक एवं प्रधान सम्पादकको जिम्मेवारी सम्हालिसक्नुभएको छ । डा. लामिछानेका 'क्वान्टम सिद्धान्त' लगायत करिब आधा दर्जन पुस्तक प्रकाशित छन् । -सम्पादक मण्डल